Bíllinn minn hann Kári

Ég eignaðist Kára fyrir tæpum tveimur árum síðan.  Hann er fyrsti bíllinn minn og hélt ég að ég yrði nú ekki svo háð honum, hef nú bara tekið strætó og labbað þangað sem ég hef þurft að fara. Hefur hann reynst vinur í raun og alltaf komið mér heilli á áfangastað. Hann hefur samt átt sína slæmu daga:

*Hann hefur villst í Hafnarfirði í klukkutíma í einni götu. Reyndar nokkuð löng gata.

*Hann hefur villst á leiðinni í bústað þrátt fyrir mjög góðar upplýsingar.

*Það hafa verið klipptar af honum númeraplöturnar.

*Það hefur verið labbað yfir hann af mjög stórum og stæðilegum karlmanni.

*Hann hefur bakkað á annan bíl, hann er enn nokkuð sár yfir því.

 Á sunnudaginn þurfti ég svo að skilja hann eftir í Hveragerði svo hægt væri að gera við hann. Það kostaði mig tuttuguþúsund krónur en mikið var ég fegin að fá hann aftur.